Topa Jesu a umte khempeuh pumkhat suak hi.

Daily Homily by Rev. Fr. Joseph Zo Mung (May 18, 2021)

Ki pumkhatna kithutuahna pen Pasian deihna hi aa, Topa Jesu mahmah in zong pumkhat suahna ding in a Pa kiangah thu nangen hi. A hi zong in ze-et na alut ciangin dawimangpa ze-et na alian pen in kikhen na hi-in pumkhat asuak te aki khen dingin dawimangpa in ze-et hi. Tua ahih manin Christain te sungah zong pumkhat a suaksa Topa Jesu a um mite sung pan dawi ze-et na athuak te pumkhat suak nawnlo in aki khen tam mahmah hi. Tua kikhen na pen Pasian deihna hilo aa, dawimangpa deih na hi. Leitung thu ah zong en le hang galkap kumpi te in minam khat nangawn namtampi in khen in tua bangin ki khenthang na a om ciangin kilemna om nawnlo aa, ki pumkhatna zong omlo in nopsakna bei hi. Tua ahih manin ki pumkhatna in nopsakna om aa, Pasian deihna hi cih na thu tuni laisiangtho in hong thei sak hi. Tua ahih manin ei Topa Jesu a um te, anung azui te pen atawn tung in ih kipumkhat ding Topa in deih aa, tua mah bang in zong kipumkhat takpi hi. Bang hang hiam cih leh amah in apa kiang ah thu anget sakna hang ahi hi. Tua ahih manin Catholic pawlpi sungah leitung bup ah ih kipumkhat na pen Pasian deihna hi aa, Topa Jesu thunget sakna hang hi cih phawk in eiten zong a tawntung in kipumkhat theih nading, Topa Jesu a um mi khempeuh leh Christain te khempeuh pumkhat ih suah nading hanciam in thu ih nget sak ding leh gamtakna tawh zong lak in kipumkhat na dingin na ihsep tawntung ding akisap na thu tuni laisiangtho in hong thei sak hi. Tua ahih manin Topa Jesu a um mi khempeuh pen pumkhat ahih loh phamawh aa, pumkhat ahi lo khempeuh pen Topa Jesu a umlo te hi cih ih ciapteh theih ding zong kisam hi. Tua ahih manin tuni in Topa Jesu a umte khempeuh pumkhat suak aa, tua pen Topa Jesu in Pa Pasian tungah thu a nget sakna hang ahi hi. Tua ahih manin eite zong ih lungsim ngaih sutna te Pasian thu tawh nasepna khempeuh ah pawlpi deihna tawh ih sep ding kul aa, tua pawlpi deihna tawh ih ngaihsut nate aki lehbulh ciangin ze-et na athuak ka hihi cih phawkin tua te pan khawl in pawlpi deihna ih zuih zawh nang hanciam ni.