Topa Jesu tui kisawpni

Lungdamna Lai Siangtho: Mk .1:7-11

7. Ama tangkona in, “Kei sangin a vanglianzaw khat ka nungah hong pai ding hi. Kun-in ama khedap khaute a suutsak ding nangawnin ka kilawm kei hi.

8. Keimah in note tui tawh kong tuisawp hi. Ahi zongin amah in note Kha Siangtho tawh hong tuisawp ding hi,” ci-in a tangko hi.

9. Tua hunin Galilee gam Nazareth khua panin Jesu hong pai a, Jordan gun ah John’ tung pan a kituisawp hi.

10. Tui sung panin Jesu a thawhtoh laitakin thakhatthu-in van kihong a, ama tungah vakhu bangin Kha Siangtho hong kumsuk a mu hi.

11. Tua laitakin vantung panin aw khat hong ginga, “Nangmah in ka lungnopna, ka it ka Tapa na hi hi,” a ci hi.

Hih in Topa’ Lungdamna Laisiangtho ahi hi.