Topa Jesu thawhkikna sungah nanglekei in upna,lametna anei mite i hihi.

Daily Homily by Rev. Fr. John Mang (June 2, 2021)

Tuni ih zak laisiangtho tungtawn in hita leh ei Christian te sihvuina sungah Salan 51na te sungah bang la in sa ih hiam cih leh aki teisa guh le tang te in Topa mai ah lungdam ding hi. Nikhatni ciangin aki teisa guh le tang te kikhawm kik ding aa, thawhkikna Pasian minthangna sungah kihel ding cih hong thei khawl sak hi.

Tua ahih manin tuni ih zak lungdamna laisiangtho sungah Topa Jesu kammal te laisiangtho thuthuk te lungngai kawmin Pasian in nang le kei mihing te tankhia ding aa hong sawl leitungah mihing suahna hongla in mihing bang tektekin hongpiang in gimna thahna thuakin ahi zongin tua sihna zo in atho kik Pasian tapa Topa Jesu thawhkikna sungah nang leh kei in upna lametna anei mite ih hi hi. Tua upna lametna ih neihna sungah kip takin dingin ih upna mit te kihongin, ih upna bilte vakin ih lungtang ih ngaihsutna khuak te in ah Pasian vangliatna amuh theihna ding in upna picing te ih neih theih nading, thawhkikna, Pasian kam ciamna, amah azahtak a it mite aading in leitung pianma pekin Pasian hong bawlsak nuntak tawntungna gam vantung gam manawh in, lamen in, lung gulh in a nungta nangle kei Christian thuzui mite ih suah na dingin khasiangtho in hong makaih ta hen.