Topa Jesu nungzui hoih bang ci bang in hi thei ding

Catholic Nisim Lai Siangtho., Hun Nautaang Nipikaal (31) Na, (Wed.) November 6.2019,

Lungdamna Lai Siangtho.(Lk. 14:25-33) 25. Tu-in mihon tampite in Jesu tawh a pai khawm laitakin amah kiheiin amaute’ kiangah, 26. “Kei kiangah hong pai mi khatpeuh in a nu le a pa, a zi le a tate, a sanggamte, tua tham loin ama nuntakna nangawn a muhdah kei leh, ka nungzui suak zo lo ding hi. 27. A singlamteh pua-a ka nung hong zui lo peuhmah ka nungzui a suak zo kei ding hi. 28. Bang hang hiam cih leh, mi khat in inn sangpi a lam nop leh a zawhzawhna ding sum ka nei hiam ci-in a masa-in tu-in a sim phot lo, kua om ahi hiam? 29. Ahih kei leh a khuam a phuh khit ciangin inn a zop zawh kei leh, a mu mi khempeuh in, 30. “Hih pa in inn sangpi lam dingin a kipat khit ciangin a zom zo kei hi,’ ci-in amah a ko ding uh hi. 31. Ahih kei leh, kumpi khat in a dang kumpi khat tawh kido dingin a kuankhiat ciangin, tul sawmnih tawh hong kuante tul sawm tawh nang zo ding ahi hiam, ci-in a masa-in tusukin a ngaihsun lo, om ding ahi hiam? 32. Amah a ki-ngap kei leh, a galpa a gamlapi-a a om lai-in ama kiangah palai sawl dinga, kilemna dingin a thumsak ding hi. 33. Tua mah bangin note’ lakah mi khatpeuh ina neihsa khempeuh a nusiat kei leh, ka nungzui a suak zo kei ding hi.

Hih in Topa’ lungdamna Lai Siangtho ahi hi.