"Topa Jesu in a mah teel takin ih muh ciangin lau na om lo in lungnop na om hi cih thu hong thei sak hi."

#Homily By Fr. Joseph Zo Mung (8.1.2020) 

Tuni Lungdamna Lai Siangtho (Mk 6:45-52) na sungah Nungzuipi te in Topa Jesu a muh uh ciangin tel cian lo a hih manun sikha sa in a lau na thu te leh Topa Jesu a hih lam a teel uh ciangin launa om lo in lungnuam takin a om na thu te ih thei hi. Tua ban ah Topa Jesu in a nungzuipi te kiangah "Lau kei un kei mah hi lai ah om ing" ci hi. Hih lai Siangtho ih sim ciangin Topa Jesu in ih lau ding hong deih lo a hih na thu leh a mah teel tak in ih muh ciangin lau na om lo in lungnop na om hi cih thu hong thei sak hi. Launa om lo in Topa Jesu tawh lungnuam takin a om khawm te ih hih zawh nang ih Biak Topa Pasian in eite mimal khat kim ciat tung ah thu pha hong pia ta hen! Amen. Midangte a lau sak te hi lo zaw in a lungdam sak te ih hih zawh nangin zong hanciam ciat ni. Ih Biak Topa Pasian in thupha hongpia ta hen! Amen.