Topa Jesu itin anu Tonu Maria ih it theih kei leh Topa Jesu a it taktak hizo nailo hihang

Daily Homily by Rev. Fr. David Sut (May 31, 2021)

A lian bel Siampi pa Pope Francis in eite in Tonu Maria sungah Pasian in na asep mah bangin Tonu Maria in Topa Jesu hong piankhiat theih sak mah bangin eiten zong kha thu tawh kisai in Toapa Jesu pen piangkhia sak thei hi hang. Tua in ah koici bangin gamtatna tawh kingah thei hiam cih leh Topa Jesu kammal te lungngai in nuntak pihna tawh eiten Topa Jesu pen Tonu Maria bangin kisuak kha sak thei hi, na ci hi. Tua ahih manin eiten zong nisim in ih zak Pasian kammal te lung ngai in nuntak pih in mite tungah hawmkhia in ih gamtatna tawh ih lah ciangin nisim in eiten zong thu ahi Topa Jesu pen mihing apiang kik sak ih hihna te ih phawk hi.

Tua ahih manin Tonu pen a sang gam nu Elizabeth kiangah ahawhna in Tonu Maria sungaa om Topa Jesu zong Elizabeth te kiangah hawhin amau te khasiangtho tawh kidim aa, Pasian phatin lungnopna angah mah bangun ih innkuan sungah ih gam sungah Tonu sam ding, Tonu hong hawhin ci-in Tonu tawh omkhawm hi lehang Topa Jesu zong hong omkhawm ding hi. Tonu omna ah Topa Jesu om aa, Topa Jesu omna ah zong Tonu om hi. Topa Jesu hong piang na ah Tonu Maria sung pan mihing suahna hongla in Topa Jesu asihna Calvary mual dongah Tonu Maria atapa tawh omkhawm hi. Tua ahih manin Tonu Maria leh Topa Jesu kikhen theilo hi. Tua ahih manin Tonu Maria ih itna Topa Jesu zong ih it siam ding aa, Topa Jesu it in anu Tonu Maria ih it theih kei leh Topa Jesu a it taktak hizo nailo hi hang cih hong kilang sak hi.