Topa Jesu hong itna in ama Siangtho lungtang pan hong pai ahihi.

Daily Homily by Rev. Fr. Dominic Langh (June 13, 2021)

1674 kum December 27 ni-in Topa Jesu Siangtho lungtang pan aa Misiangtho Margaret Mary tungah agen kammal sawmle nih te kong hawm sawn hi. Ka Siangtho Lungtang tungah itna leh zahtakna anei mite in hih anuai aa, thupha angah ding uh hi cihi.

1. Amaute anuntakzia uh tawh kizui in akisam hehpihna khempeuh kapia ding hi.

2. Amaute inn sungah kilemna ka omsak ding hi.

3. Amaute lungkhamna te ka hehnem ding hi.

4. Amaute anuntak sung uh leh athupi pen in asih hun uh ciangin a belh muanhuai uh ka hi ding hi.

5. Amaute vai khempeuh ah thupha lianpi kapia ding hi.

6. Ka lungtang in mawhnei mite aadingin hehpihna tuinak leh abei theilo hehpihna tuili ahi tawntung ding hi.

7. A thanem mite thalawpna ka nei sak ding hi.

8. A thalawpsate manlang takin ka cingtaak sak ding hi.

9. Ka lungtang lim suang aa, zatakna akipiakna mun khempeuh ka piading hi.

10. A lungkhauh penpen mite zawh theihna thupha Siampite kapia ding hi.

11. Itna leh Zahtakna bawl nading midangte a hanthawn zo mite min pen ka lungtang tungah kagelh ding aa, kaphiat ngeikei ding hi.

12. Ka lungtang pan alian mahmah hehpihna leh a vanglian pen itna tawh nang tungah thuciam kong piakna ah khakua sung ki tatsat lo aa, ningani masa sim aa siangtho pumpi ane te pen Sacramentu angah manlo in leh kei tawh kilemlopi in silo ding hi. A sih hun laitakin ka lungtang in abelh suan, amuan huai suan pen hiding hi ci-in Topa Jesu in Misiangtho Margaret Mary tung pan hong gen hi.