Topa Jesu in ei mihing te lungsim ih gamtatna te hong thei hi.

Daily Homily by Rev. Fr. David Lian (June 28, 2021)

Topa Jesu in ei mihing te lungsim ih gamtatna te hong thei hi. Topa Jesu nung ei mihing lungsim tawh ih zuih nopna bek in Topa Jesu lungsim tawh aki tuak hiam? Topa Jesu nung ih zuih nop leh ama lungsim ih neih kul, ama deihna bangin ih gamtat kul hi. Ei deihna pen Topa Jesu deihna hisak lo in, Topa Jesu deihna pen ei deihna ih hih sak zawk ding thupi hi cih pen tuni ih phawk ding kisam ka sa mahmah hi. Tua ahih manin hih laisiangtho siampa in banghang in Topa Jesu nung zui nuamin, banghang in Topa Jesu in hong deih ing hong sam ing na ci lo hiam? Matthew laisiangtho sungah en lehang Topa Jesu in," Note hoihna phatna te pen Pharisee te laisiangtho siamte sangin na hoih zawk kei uh leh vantung gam natung kei ding uh hi. Hih laisiangtho siam Pharisee te ahih leh amaute in vantung kongkhak te khak in amau mah nangawng zong lut lo in alut nuam te zong phal lo uh hi. Amau te in hai bangin kuang bangin apua lam te siang sak in ahih hangin asung pen aniin mi tawh kibang uh hi ci-in Topa Jesu in hong genteh hi.

Tu in eite in tuisawpna ih ngah aa kipan Topa Jesu nungzui ih hihi. Tua ahih manin Pharisee te laisiangtho siam te bangin apua lam asiangtho sak bek hilo in asung apua asiangtho sak Topa Jesu lungsim bang pua aa, Topa Jesu gamtat bang, Topa Jesu itna bang in itna anei te ih hih ding thupi mahmah hi. Eite in Topa Jesu bangin ih nuntak nop leh Topa Jesu sungah kinga aa, Topa Jesu vantung gamah nopsakna ih ngah nop leh ama nung ih zuih ding ahi hi. Banghang hiam cih leh John 14: 6 na ah Topa Jesu in lampi ahi hi, thuman ahihi, nuntakna ahihi. Topa Jesu lampi ih tot kei leh ama kaingah kitung lo ding, Topa Jesu nung ih zuih kei leh nuntakna kingah lo ding hi.

SHOW LESS