Topa Jesu amuangte cik mahin lungkim lo-in om ngei lo hi.

Tuni Lungdamna Lai Siangtho sungah ih muh thute in Topa Jesu a um mite in guaksuak ngei lo ding hi. Topa Jesu a beelte cikmah hunin lungnuam lo-in om ngeilo hi. Topa Jesu amuangte cik mahin lungkim lo-in om ngei lo hi cih ih mu thei hi. Tua ahih manin mihingte ih nuntakna sungah haksatna tuamtuamte ahi zongin, damlohna te ahi zongin, ze-et na te ahi zongin ih tuah simin Topa Jesu Lai Siangtho sunga ih muh mah bangin Topa Jesu a zong thei te, Topa Jesu a beel thei te, Topa Jesu kiangah damna a zong thei te, Topa Jesu kiangah lungnopna, kha muanna, suahtakna a zong thei te ih suah theih nadingin hanciam ciatni. Topa Jesu in dawite vangliatna khempeuh a zo zo pa ahi hi, dawite ii gitlohnate kammal khat tawh a zo zo pa ahi hi, kammal khat tawh damna apia thei pa ahi hi, hoihnate kammal khat tawh ahoih sak thei pa ahi hi, siangthonate kammal khat tawh asiangtho sak thei pa hi cih phawk tawntungin Topa tungah damna, lungnopna, lungmuanna, khamuannate ih zon theih nadingin hanciam ciatni.