Topa deihna bangin ih nuntak zawh nadingin nakpi takin hanciam ding ahi hi.

Pasian in hong teel hi, hong sap hi, hong zat hi, ama tangin a diing dingin ama khut zat ding, ama khe zat ding, ama mit zat dingin hong deih hi cih tuni phawkin ei leh ei kineu sek lo-in, ei leh ei ki pimuh lo-in Pasian mit tawh Pasian lungsim tawh Pasian gamtat dindan tawh kituakin ei te kiniamkhiatin ih gamtat ding, ih om siam ding, ih kalsuan ding pen nakpi takin thupi hi. Tua ahih  manin tuni in Topa a dingin akilawm, akituak lo-in Pasian nasem dingin hong sap ei te, Pasian in ei te ong it manin hong sap hi a, Pasian in ong it na tawh ong makaih manin ama ii tuu huangsuang ah a tuu te acing ding, a tuu te a vak dingin hong sapte in Topa hong sapna bangin, Topa deihna bangin ih nuntak zawh nadingin nakpi takin hanciam ding ahi hi. Topa kiangah thupha ih nget tawntung ding leh Topa tawh ih kizop tawntung ding ahi hi. Tua hi leh ei te in Topa kiangpan hong pai thakhauhna te, lungsim ading a akisam thupha te, taksa adinga a kisam thuphate, kha adinga a kisam thuphate ih ngah tawntung ding a, Topa deihna tawh kituakin a sem zote, ma amang zo te, anungta zo te ih suak ding hi. Tua dingin Topa’n hong deih hi cih phawkni. Topa in asap mite, ama deihna bangin asemzo ding leh a zui zo dingin a lamet manin a sap ahih manin asapna angahte in Topa deihna bangin ih hanciam ding, ih mainawt ding nakpi takin kisam hi. Tua ahih  manin Topa sungah athakin ki-ap ni. Topa nungzui hoih, Topa nasem hoihte ih suahzawh nadingin mimal kim ciat Topa’n thupha hong pia tahen.