Topa aw na gam leitung ah hong tung sak takpi in.

Tuni Lungdamna Laisiangtho sungah Topa Jesu in Vantung gam pen Ankam tang leh Silngo tawh na genteh hi. Bang hangin Pasian gam gentehna tawh gen hiam cih leh ama nasepna, ama vawh khaici in leitung bup zel in, Pasian gamin mun khempeuhah ki zel ding hi cih mi khempeuh thei sak nuam ahih manin Ankam tang tawh na genteh hi. Cih nopna in Pasian gam pen aneu mahmah pan kipan ding a, ahi zongin hong khangkhiat ciangin mi khempeuhin Catholic Pawlpi sungah nuamsa in hong beel ding hi. Tua in a kimu thei Pawlpi ahi hi.
Silngo tawh gentehna in a kimu thei lo upna khaici, thuman thu tak ih lungtang sungah hong vawh hi. Eite in ih nuntakna sungah Ankam tang leh Silngo bangin akimu thei Pawlpi khan zia, Pawlpi sungah ki pumkhatna te leh upna te, a kibang, ki pumkhat aa nasep khopna te phawkin ih nuntakna sungah Topa aw na gam leitung ah hong tung sak takpi in ci-in ih paipai na, ih tuntun na munah kilemna ih puak ding, mawh kimaisakna te ki pia in Pasian gam leitungah a tungsak te ih zawh na ding hanciam ni.