Tonu Maria suahni pawi

BIRTHDAY OF MARY (Sep 8)

Tuni Sep (8) ni pen Nu Catholic Pawlpi in mangkam in (the nativity of the blessed virgin Mary) or (The Birthday of Mary) A Siangtho Tonu Maria ii suahni ii hong ciapteh sak a hih manin Tonu Suahna pawi lungnuam tak leh lawptak in ih bawl hi. Hih Tonu Maria ii suah ni pen ih Pawlpi in (AD 200) kim pawl pek pan in limtak in nakan telin na ciamteh to to in (AD. 500) khit ciangin Tonu ii Suahna Pawi kumsim in na bawl den uh ahih manin tu-in Tonu Suahna Pawi ih bawl zawh kum (1500) val bang pha ta hi.

Mawhcilna neilo in a piang Tonu Maria ii Pawini Mangkam in (the immaculate conception of Mary) ci-in Misiangtho Anna gilsung ah Tonu Maria a ki paai ni pen December ni 8, ni-in ki ciamteh ahih manin tua ni pan ih sim toh ciang kha (9) a cin ni (September 8) pen a Siangtho Tonu Maria ii  suahni Pawi in a ki bawl ahi hi.

Nu Catholic Pawlpi in Biakpiakna Kum (Liturgical Year Calendar) sungah suahni pawi pen mi thum (3) a bek na bawlsak hi. Tua te in kua teng hiam cih leh 1. Topa Jesu Suahni (Dec 25) ni-in ki bawl hi. 2. Tonu Maria ii Suahni (Sep 8) ni-in ki bawl in thumna ah 3. Tuiphum pa John (John the Baptist) ii suahni pen (June 24) ni-in ki bawl hi.

Pawlpi in Misiangthote pawi a ki bawlsak ciangin a tamzaw in a sihni ta bekin ki bawlsak hi.  A hi zongin Topa Jesu leh Tonu Maria pen thupi phadiak ahih manun amaute tawh kisai a hih leh pawi pen tamvei pitak ki bawlsak hi. Tonu Maria tawh kisai in a thupi phadiak in pawipi nam (3) ki bawlsak hi. Tua te sung pan amasa pen in (the Immaculate Conception of Mary) ci-in Tonu Maria Mawhcilna nei lo in a nu Anna in agilsungah a paaina pawi ki bawl hi. Tua pen ih gens amah bangin December 8 ni-in ki bawl hi. Tua zawh kha (9) a cin ni September (8) ni-in Tonu Maria ii a suahna pawi ki bawl hi. Tua khitteh a thumna ah a leitung hun a bei ciangin vantungah kilato a hih manin (the Assumption of Mary) ci-in Tonu Maria Vantungah a ki lak tohna pawi (Aug 15) ni-in ki bawl hi.

Kongit thuzui nu leh  pa U leh Naute tu ni aa ih bawl Tonu Maria ii suahna pawi bangzahta in thupi hiam cih pen eite in gen zawh ding hi peuh mah lo hi. A thupitna nam tampi a om lakpanin ih tel pak dingin a tom in nam (4) hong gen nuam ing.

1.            A masa penin gupkhiatna tangthu en le hang Pa Pasian in a tapa leitungah a hongpai sak nadingin a tapa ii Nu dingin a siangtho numei khat na teeltuam ahih manin in tuni in Numei khempeuh lakpan Pa Pasian in a it a Tapa ii Nu ding (Pasian Nu) dingin teeltuam angah Tonu Maria ii Suahna Pawi a bawl ih hi hi. Hih pen  Laisiangtho sung (Pian 3:16), (Lk 1:42) nate ah teel takin ki mu thei hi.

2.            Ei Zomite in “Sakhi api san, ano san” ci-in Paunak ih neih mah bangin Topa Jesu ii sisan pen a Nu Tonu Maria ii Sisan sungbek pan ahong piangkhia ahih manin Jesu Sisan hangin Mawhna pan Siangthona, Suahtakna kangah hi a ci ei leitung mite khempeuh in “Suahtakna ih ngahna, Gupkhiatna ihngahna Jesu Sisan a hong piankhiatna Sisan a nei nu a hi Mawh cilna neilo in a piang khia ih Nu, Tonu Maria ii Suahna Pawi a bawl ih hi hi cih phawk ni. Hih pen (Rom 3:25) na sungah kimu thei hi.

3.            Topa Jesu in leitung mite khempeuh a en ding a cing a kem ding leh leitung mite khempeuh in zong ih et ding, ih belh dingin a sih madeuh in singlamteh tungpan “Numei aw na ta na en in, John aw na Nu na en-in” ci-in eite a hon gen dingin vaipuak (tavuan) a piaknu leh ama nu pen eite khempeuh ii ih Nu dingin a hongpiak ih belh, ih suan, ih etteh dingin a hong piak Topa Jesu ii a teeltuam ih Nu Tonu Maria ii Suahna Pawi a bawl ih hi hi. Hih pen Laisiangtho (Jn 19:26-27), (Lk 1:48) na munte ah tel takin kimu thei hi.

Tua ahih manin tuni Ih Nu Tonu Maria ii suahni in “Happy Birthday Mary” ci-in ih Nu Pahtawi in ih nohset kawm kawm in ama ii hoihna, phatna te etteh in Pa Pasian sungah cidam lungnuam takin ih nuntak kim zawh nang hanciam ciat ni.

                Aza, angai mimal khat kim ciat ih Biak Topa Pasian in thupha hongpia ta hen! Amen. Lungdam hi.