Thupha ngah mi ih cih in Mawhna, khialhna tawh kipelh cihna hi.

Daily Homily by Rev.Fr. Thomas Tuang (Aug 15, 2021)

Tuni Tonu Maria in vangtungah akah toh khit ciangin ei mihing te thupha tampitak hongpia thei hi. Amasa pen in Pasian kammal hongpia thei hi. Tonu Maria in a tapa tawh kisai azak khempeuh te a lungtang sungah kem hi. Nuntak pih khinkhian hi. Kiniam khiat takin ompih hi. Tua hi-in Tonu Maria hong piak athakin hih Pasian kammal eiten a ma hong lamlakna hangin thu-um masa nu, Pasian tapa' lungdamna thu aza masa nu, a tapa' nung zui masa nu cileng ahi thei hi. Tua ahih manin ama zakte, upte athakin ih phawk ding ahi hi.