Thungetna in Pasian tawh kizopna leh kipawlna hi.

Daily Homily by Rev. Fr. Joseph Zo Mung (May 15, 2021)

Thu ih nget ciangin ii kisapna ih theih ding thupi hi. Tua ih kisapna ii nget ciangin zong kingah pha deuh hi. Tuni Topa Jesu in kei min suang in nanget uh leh Pa in hongpia ding hi ci hi. Tua bek tham loh in tudong in kua mah in bangmah nangen ngei nai kei uh hi ci-in nungzuipi te thunget thadahna te, Topa Jesu min suangin ngen leh Pa Pasian in pia ding cih thei himah ta leh a nget nai lohna te amah in hawmthawhna tawh nagen hi. Tua ban ah aki cing lungnopna nangah nading un ngen un ci hi. Tua ahih manin thungen ih cih ciangin aki cing lungnopna ngah ding hi. Ngen kei leng zong Pasian in hongpia ta leh thungen le thungen lo te bang kilam dang hiam? A kicing lungnopna, lungdamna leh nopsakna kilam dang hi. Bang hang hiam cih leh thungen ih cih khat in Pasian it in Pasian dikna, Pasian hoihna thei na tawh angen ahih manin tua thungen te in a lungnuam hi. Tua ahih manin thungen lo ten Pasian in piathei hi mah taleh muanglo, Pasian tungah upna aneilo, Pasian ii piak theih lam, Pasian hoihna phatna atel lo teh thungen ngeilo hi. Tua ahih manin tuni eite khatciat kisit tel ni, dawng mangpa in zong Pasian hoihna phatna thei napi thungen ngeilo kiniam khiat nuamlo hi. Tua ahih manin eite in Pasian hoihna Phatna te athei ih hih leh tua tungtawn in ama sep theih, bawl theih te eite in tel in ama tungah ih kisapna te ih nget ding kisam aa, tua ih ngetna in Pasian tawh kizopna leh kipawlna hi aa, Topa Jesu deihna zong hi-in tua ban ah ih thungetna ngah ding aa lungnopna tawldamna leh nopsakna ngah ding hi hang.