Thungetna atawm leh launa in hong zo ding hi.

Daily Homily by Rev. Fr. Dominic Langh (June 20, 2021)

-Pasian pen Pawlpi sung ahi zong mimal nuntakna sungah huihpi leh tuihual bang gimna patauh dipkuatna te pan in hong honkhia Topa hi cih laisiangtho deihna ahi hi.

-Late alian sawm nih le sagih aneu khat na sungah Topa pen ka khuavak leh ka honpa hi aa, kua kihta in bang laupih zenzen ding ka hi hiam? acih kammal pen tuhun tulaitak tawh ei Christian ten tha ih lak ding thupi kasa mahmah hi.

-Tulaitakin nungzuipite leh Topa Jesu lau sangin alau huai zaw Covid 19 natna te natgualte aa kipan innkuan sungah vengle pam ule nau sungah khat le khat zong kineh ngamlo kiho ngamlo in ih om laitak ih Topa Jesu sungah ih upna i picing sak ding, i nuntak sak ding, ih Topa Jesu pen tucing pa ei hong ompih pa hi ci aa, tua upna tawh ei le ei tha kila aa Topa tungah ih kingak ding nakpi takin thupi hi. Thungetna atawm leh launa in hong zo ding aa, kha nuntakna atha nem leh leitung ci le sa in hongzo hong nawmvalh ding hita hi. Tua ahih manin ih Christian nuntakna, ih upna in ih Topa pen hong gum pa, tuucing pa, hong tan pa hi aa tua hong tanpa in pa in ei hong nusia lo Topa hi cih upna anei ten ih upna tawh thungetna Topa tungah ki-ap ding hi hang. Topa tungah ih ki-ap ciangin ih Topa in vai hong hawm ding hi. Tua ahih manin ih upna te picing in, nuntakpih in, Topa azuan te ih hih nang in hanciam ni.