Thuman tawh thu ih khen sat leh thuman thukhen na ih ngah kik ding hi.

Daily Homily by Rev.Fr. David Sut (June 21, 2021)

-Abraham nuntakna te etteh in eiten Pasian ih itna, ih upna, ih muanna te pen piak khiatna thungetna tawh ahuh siam te ih hih nading in hanciam ni.

-Tuni ih gam sungah en lehang gam makai pawlkhat te kiman in aana nei thukhen mangpi ten amau theihna lungsim siangtho tak tawh thukhen lo in midang aana nei khat ii sawlna bangin thu akhen na un thuman hilo hi. Thuman thuhoih tawh thu ih khensat leh eite in zong thuman thupha kingah in thuman thukhen na te kingah ding hi.

-Ni tawp ni ciangin Topa Jesu in eite tungah thu hong khen ding hi. Tua ahih manin hih leitungah eite in te mawhna amu thei, ei mihing te muhna bek tawh thu akhen, apua tham bek tawh thu akhen, amawh sak hilo in ei mah leh ei mah thanem na te kipuah pha aa, mite thanem na ahuh thei mite aading in nahoih napha te asep sak zo zaw te ih hih ding thupi hi. Tua ahih manin tuni Pasian kammal te eite in avek in ih et khop ciangin Abrahram bangin Pasian um in, Pasian muangin, Pasian thu mah in gamta aa ih din khiat ding, nop ih sak na pan dingkhia aa haksatna atuak mite aading ih hih thei bangin munla aa ih kipan pih ding Topa Jesu in thu hong hilh hi.