Siangtho pumpi in nuntakna dingin azungpi leh athupi pen hi.

Daily Homily by Rev. Fr. Dominic Langh (June 6, 2021)

Siangtho pumpi pen ei Christian te nuntakna dingin azungpi leh athupi penpen hi. Tua mah bangin asang pen leh amanpha pen Christian nuntakna hi-in tehpih omlo amanpha pen pen hi. Bang hang hiam cih leh Topa Jesu in ama si leh sa hongpiak man ahi hi.

Tuni ih pawlpi in Siangtho pumpi pawi hong bawlsakna ah asiangtho pumpi, a pumpi bek hilo in asisan zong ahi, a si le a sa pawi kibawlin tua pen Topa Jesu hongpiak ei aadingin gupna ihngah nading thupha nam lian pen hi.