Rev. Fr. Joseph Zo Mung tungpan August 6,20 ni kha-an vakna

 Hun Nautang Nipi(18)na. Thursday(August 6, 2020), Lungdamna Lai Siangtho Matthew 17: 1-9 1. Ni guk khit ciangin Jesu in Peter, James le a sanggampa John-te a tuamin samin, mual sang khat tungah a kahtohpih hi. 2. Tua ciangin amaute’ mai-ah a meel kikhel a, a maitang ni bangin tangin, a puansilhte a paak lela hi. 3. Thakhatthu-in Moses le Elijah a nih-un amaute’ mai-ah hong kilang a, Jesu tawh a kiho uh hi. 4. Tua ciangin Peter in Jesu’ kiangah, “Topa aw, hih mun in i omna ding nuam mahmah hi. Hoih nasak leh nang’ aading buk khat, Moses’ aading buk khat, Elijah’ aading buk khat, buk thum kong lamsak ding hi,” a ci hi. 5. Tua bangin a gen laitakin meiingo in amaute tuam a, meii lak panin aw khat hong gingin, “Amah in ka lung hong kimsak mahmah ka it ka Tapa ahi hi. Ama thu na ngai un!” a ci hi. 6. Nungzuite in hih awging a zak uh ciangin lau mahmah uh ahih manin leilak ah a bok uh hi. 7. Ahi zongin Jesu hong pai-in, amaute lawng a, ‘Tho un, lau kei un,” a ci hi. 8. Amaute a khuadak toh uh ciangin, Jesu longal adang kuamah a mu nawn kei uh hi. 9. Amaute mual tung pan hong kumsuk laitakun Jesu in amaute’ kiang ah, “Mihing’ Tapa in sihna pan a thawh kik matengin, hih na muhte uh kuama kiangah gen kei un,” ci-in thu a pia hi.

Hih in Topa' lungdamna Lai Siangtho ahi hi.