Rev. Fr. John Mang tungpan Lk 9:1-6 bulphuh in Kha-an Vakna

Lungdamna Lai Siangtho: Luke 9: 1-6 1. Tua khit ciangin Jesu in sawm le nihte a vekun a sap khit ciangin, dawite khempeuh a hawlkhiat zawhna ding leh natnate a damsak theihna dingun vangliatna le thuneihna amaute a pia hi, 2. tua ciangin amah in Pasian’ gam thu a tangkona ding uh le cinate a damsakna dingun amaute a sawlkhia hi. 3. Jesu in amaute’ kiangah, “Note in na khualzinna uh lampi ah na zat dingun ciangkhut, thung-ip, nek theih le sum keng loin puansilh val nangawn na keng kei un. 4. Inn khatpeuh ah na lut uh ciangin tua khua na nusiat mateng uh tua inn ah taam suak un. 5. Mi khatpeuh in note hong san kei leh, amau langah teci ahi dingin tua khua na nusiat uh ciangin na khepek uh-a leivuite na singkhia un,” a ci hi. 6. Amaute kuankhia uh a, khuaneute ah lungdamna thu tangko-in, pai kawikawi uh a, natnate a damsak uh hi.

Hih in Topa' Lungdamna Lai Siangtho ahi hi.