Rev. Fr. David Lian tungpan kha-an vakna

Catholic Nisim Lai Siangtho, Lungdambawl Hun, Jan 8, 2021 (FRI) ni Rev. Fr. David Lian tungpan kha-an vakna. Pasian deihna bang aa a nungta ih hih theihna ding kisam hi cih thu. Lungdamna Lai Siangtho: Luke 5: 12-16 12. Khatvei, khuapi khat ah Jesu a om laitakin a pumtangin phaknatna a vei mi khat a om hi. Tua pa in Jesu a muh ciangin leilak ah bok a, “Topa aw, ut peuh lecin nong siangsak thei hi,” ci-in a thum hi. 13. Tua ciangin Jesu in a khut zanin amah lawng a, “Ka ut mah hi, na siang ta in,” a cih leh, thakhatthu-in a dam pah hi. 14. Tua ciangin Jesu in hih thu kuama kiang ah a gen lohna dingin amah thu a pia hi. Jesu in,“Pai inla, siampipa’ kiangah va kilak in. Amaute in na sian lam a theihna dingun Moses’ thupiaksa bangin biakapna vante va pia in,” a ci hi. 15. Ahi zongin tu-in ama thu kizel semsem a, ama thugen a ngai ding le a natnate uh a damsakna ding deihin mihonpite a va pai uh hi. 16. Ahi zongin amah gamdaihna ah paikhia-in thu a ngen hi.

Hih in Topa’ Lungdamna Laisiangtho ahi hi.