Reflection by Mr. Anthony Piang, August 13.2019

Reflection by Mr. Anthony Piang

Hun Nautaang Nipikaal (19) Na
(TUE.) August 13.2019

Lungdamna Lai Siangtho.
(Mt. 18: 1-5, 10, 12-14)

1. Tua hunin Jesu kiangah a nungzuite hong pai uh a, “Vantung gamah kua lian pen ahi hiam?” ci-in a dong uh hi.

2. Jesu in naupangno khat samin, a lai uh ah a koih hi.

3. Tua ciangin amah in, “A man takpi kong genin ah, note kikhelin hih naupangno bang na suah kei uh leh, Vantung gam sungah na lut thei ngei kei ding uh hi.

4. Hih naupangno bangin a kiniamkhiat peuhmah, Vantung gamah a lian pen hi ding hi.

5. Keima min tawh hih bang naupangno khat a sangte peuhmah kei hong sang ahi hi.
10. “Note in hih naupangnote’ lakah khatpeuh na simmawh khak lohna dingun na kidawm un. Bang hang hiam cih leh, note’ kiangah kong genin ah, amau vantung mite in vantung a om ka Pa’ mai mu-in a om tawntung uh hi.

12. Note in bangci ngaihsut na hi uh hiam? Mi khat in tuu za khat nei henla, tua tuute’ lakah khat gammang leh, amah in tuu sawm kua le kuate mual tungah nusia-in, a gammang tuu a zong dingin kuankhia ding hilo ahi hiam?

13. A man takpi kong genin ah, amah in tua a gammang tuu a muh kik ciangin a gammang lo tuu sawm kua le kuate’ tungah a lungdamna sangin, tua tuu khat hangin a lungdamzaw ding hi.

14. Tua mah bangin vantung a om na Pa un, hih naupangnote khat a manthan ding a deih kei hi.

Hih in Topa’ lungdamna Lai Siangtho ahi hi.

#DailyBible, #RVA, #WordofGod, #Tedim, #KalayDiocese, #Zomi, #Gospel, #Reflection,

Like us on https://bit.ly/2G56oll
See us on https://bit.ly/2XGCVt6
and Follow us on https://bit.ly/2LMA9ek , https://bit.ly/2YqcFDv
Website: http://dtedim.rveritas-asia.org/