Reflection by Cate. Joseph Hau Kap Hun Nautaang Nipikaal (21) Na (WED.) August 28.2019

Lungdamna Lai Siangtho. (Mt.23:27-32) 27.

27. “Mi hoih a kineih khem no lai siangtho siamte le Pharisee-te aw, gimna na thuak ding uh hi. Bang hang hiam cih leh, a pualam etlawm napi, a sungah misi guh le nin kihhuai khempeuh a dim a kanga kizut hante tawh na kibang uh hi.

28. Tua mah bangin note zong, na pualam uh mi’ mai-ah thuman midikte bangin na om uh hi, ahi zongin na sung lam uh kineihkhemna le tatsiatna tawh a kidim hi.

29. “Mi hoih a kineih khem no lai siangtho siamte le Pharisee-te aw, gimna na thuak ding uh hi! Bang hang hiam cih leh, kamsangte’ han na bawl uh a, midikte’ han na zem uh hi.

30. Note in, ‘Ka pute ka pate’ khanglai-in a om hi le-ung kamsangte’ sisan a kiluansakna ah ka kihel kei ding uh hi,’ na ci uh hi.

31. Tua bangin kamsangte a thatte’ suan le khak na hihna uh no le no in na kilang khiasak uh hi.

32. Tua ahih manin, na pu na pate’ mawhna tehna na dimsak vet un.

Hih in Topa’ lungdamna Lai Siangtho ahi hi.