Pharisee te’ silngo tawh na kipelh nang un hanciam un.

Tuni Lungdamna Laisiangtho sungah Topa Jesu in anungzuipi te kiangah Pharisee te’ silngo tawh na kipelh nang un hanciam un ci-in vaikhak hi. Tua banah bang pan kidawm dinga, bang te lau ding cih thu hilh cianna hong nei hi. Pharisee te silngo in tolsia cihna hi. Amaute pen a kineih khem te a hih manin amaute tawh ih ki sawhkhak loh na dingin Topa Jesu in ong hilh ahi hi.
Tua ahih manin tuni ei nasep ciat ki sit telin Pasian deihna tawh kituak maw, kituak lo, Pharisee te ii tolsia silngo tawh ka kipelh hiam, ka kipelh kei hiam cih ih ki sittel ding leh pumpi athat thei te kihta in tua te’ thu manga nasem ka hi hiam, ahih kei leh pumpi leh kha nuntakna a hong pia thei, athat thei vangliatna khempeuh anei Pasian adingin ama deihna bangin na a sem ka hi hiam cih ki sit tel in leitung leh vantung a ukpa ahi, pumpi leh kha nuntakna anei akem acingpa, ei hong bawlpa Pasian adingin ama deihna tawh kituakin mi khempeuh phattuam na dingin na sem te ih hih zawh na dingin hanciam ciatni.