"Phak natna neipa in upna tawh na hopih a hih maninTopa Jesu in damna pia takpi hi."

Daily Homily by Fr. Joseph Zo Mung (10.1.2020)
(Lk 5:12-16) Na tawh kizui in miphak pa ii nuntak na a ham sat ding zia ih thei khin hi. Kua mah in hopih nuamlo in khua pua lam ah a kikoih a kilawh thei natna a nei paa hi hi. A mah in mi hopih leh zong kua mah in dn nuam lo a hih manin mi a hopih ding zong hamsa mah mah ding hi. Mi ka hopih hangin hong ki dawng nuam kei in teh cih zong ngaih sun kha ding hi. Tua bang hi mah ta leh Topa Jesu a muh ciangin hi mipa inkei hong it in teh ka natna pan damna hong pia thei in teh cih upna kip nei a hih manin hopih ngam hi. Topa aw ut peuh lecin nong dam siangsak thei hi ci-in upna tawh na hopih a hih maninTopa Jesu in damna pia takpi hi. Eite khat ciat in zong lung kia lo in thu ih nget ngam ding kisam hi cih thu hong phawk sak hi. Ih kisap na te ngen ciat ni. Pasian in itna leh hehpihna kicing tak in nei hi. Um takpi leng hong pia takpi ding hi.