Pasian tungah Itna leh Upna neihna ding thu

Lungdamna Lai Siangtho: Mark 1: 21-28 tawh ki tuakin Rev. Fr. Joseph Zo Mung tungpan "Pasian in ukna nei in tua ukna khempeuh pen a Tapa tungah pia hi cih thu tuni Lungdamna Laisingtho in hong phawk sak hi. Mite in Topa Jesu' dawite a hawlkhiatna thu lamdang sa mahmah uh hi. Hih Pa in ukna thu neihna koipan ngah uh a hi hiam ci-in gen uh hi. Topa Jesu in itna, upna leh deihsakna nei in khauh takin thu na pia hi. Itna, ukna leh upna ih neih kei le sepna bawlnate a mawkna hi ci-in kha-an vakna. 21. Amaute Capernaum khua ah pai uh a, Sabbath ni a tun ciangin kikhopna inn ah Jesu lutin thu a hilh hi. 22. Amaute in ama thuhilhna lamdang a sa uh hi. Bang hang hiam cih leh, amah in lai siangtho siamte bangin hilh loin, thuneipa bangin thu a hilh hi. 23. Tua laitakin kikhopna inn sungah thakhatin kha nin a lut mi khat om a, 24. amah in, “Nazareth mi Jesu aw, kote bang hong cih nuam na hi hiam? Kote susia dingin hong pai na hi hiam? Nang kua na hi hiam, cih kong thei hi. Pasian’ mi siangtho na hi hi,” ci-in a kiko hi. 25. Ahi zongin Jesu in, “Pau kei inla, ama sung pan paikhia in,” ci-in khauhtakin a taai hi. 26. Kha nin in tua mipa kisaansak gawp a, nakpi-in kiko-in, ama sung pan a paikhia hi. 27. Mi khempeuhte in lamdang sa mahmah uh a, “Hih in bang ahi hiam? Thuneihna tawh thuhilhna thak khat a hilh hi! Kha ninte nangawn thu a piak ciangin ama thu a mang uh hi,” ci-in khat le khat a kikum uh hi,” a ci uh hi. 28. Thakhatin Galilee gam sung khempeuh ah ama thu a kizel pah hi.

Hih in Topa’ Lungdamna Laisiangtho ahi hi. #Homily, #RVATedimChinService, #Chin, #Kalaydiocese,