Pasian tawh omkhopna gam ih lam zawh nadingin Topan nang le kei nasem dingin hong deih hi.

Daily Homily by Rev. Fr. John Mang (May 26, 2021)

Tuni nang leh kei mihing te ih nuntakna te sungah hong gumpa hong tankhiapa in ama nuntakna khempeuh paikhia in asisan luan na tawh hong tatkhiat mah bangin nang le kei ama nungzuite zong Topa Jesu khekhap zui in nangle kei aading bek tham loh in ih gal te aading, hong sim mawh hong bawlsia te aading, ahih kei leh Pasian in a it asi san tawh alei minam khempeuh te ki gupkhiat nading ahi zong in ih minamte ih beh ih phungte, ih u leh naute ih innkuanpih te leh ih gam ih lei aading in tuni nang leh kei in ih nuntakna ih piakhia ngam hiam? Ih sisan ih piakhia ngam hiam? Ih hun ih nite ih piakhia ngam hiam? Ih hatna ih thatangte ih pilna ciim na te ih piakhia ngam hiam? Tuni Topa jesu in Mihing tapa in mite na asawl ding hilo amahmah in mite aading in anuntakna paikhia in na asem ding gupkhiatna apia dingin hong pai, gim thuakna tawh sila pa nasempa dingin hong pai ahih mah bangin nang le kei zong ama khekhap tawn in ihgam ihlei ah kilemna a om nading ki pumkhatna a om nading, ki thutuahna a om nading, kimuh dahna kigal neihna kithahna te khempeuh abei theih nading in mawhna sal pan ih suahtak theih nading lungnopna sin nopna gam Pasian tawh omkhopna gam ih lam zawh nading in tuni Topan nang le kei nasem ding in hong deih hi.