Pasian khephung ah tu in Pasian thugente angai te ih hih ding zong kisam hi.

Vantung thungetna ih nget simin amal kimin khiatna nei ahih manin eite nuntakna ah Pasian ii ong huhna, ong panpihna, Pasian pen ei nuntakna hong kipatna, Pasian lo-in na piang lo hi, Pasian tungah na khempeuh ki-nga hi, ih mawhna ih khialhna te hong maisak pa hi, nisim ih kisap thupha te Pasian in hong pia hi cih eite in apulak lak zong ih hi hi. Tua ahih manin nisim in Pasian kiangah thungen siamte, thu ih nget ciangin Martha bangin kammal tampi tak tawh hi lo-in, Pasian khephung ah tu in Pasian thugente angai te ih hih ding zong kisam hi. Thungetna ah ngaihna zong om hi. Thungen ih cih ciangin kammal tampi tak zangin thu ih ngetna pen bek thungen ih kisa kha hi. Tua bek hi lo hi. Pasian kammal te lungngaihna, Pasian gen te ngaihna zong thungetna hoih mahmah hi. Tua ahih manin gamdai takin thungetna zong ih neih theih ding thupi hi. Pasian ii ong hilh thungetna bangin anungta zo dingin mimal khat ciat Topa’n thupha hong pia ta hen.