Pasian kammalte um in, mangin ahoih thei penin ih kalsuan ding, ih mainawt ding pen Topa deihna hi.

Tuni Lungdamna Lai Siangtho in bang hong phawk sak hiam cih leh ei te ii ih nuntakna ah, ih gamtat, ih luhek na te ah bang bang ih sem zongin, bang bang ih bawl zongin ih ki ngaihsut ding, ih ki puahphat ding, ih lungsimte ahi zongin, ih ngaihsutna te ahi zongin Topa deihna tawh kituakin, Topa lungsim bangin ih nuntak ding pen Topa deihna ahi hi. Tuni Lungdamna Lai Siangtho in hong hilh ahi, Topa ii zia leh tong bangin om in, Pasian kammalte um in, mangin ahoih thei penin ih kalsuan ding, ih mainawt ding pen Topa deihna ahi hi. Nek ding, dawn ding a om ciangin Topa min tawh a ne thei te, nek leh dawn haksatna ih tuah ciangin zong Topa phawkin Topa thuphate ih ngahna te hangin lungdam ko in ih kisapte a ngen thei te ih hih ding zong kisam hi. Tua ahih manin a hunzui-in a gamta thei dingte, ahun zui-in a om thei te ih hih na dingin tuni Lai Siangtho in hong hilh hi. Tua ahih manin ahun zui, ahun man, a hun kilawm, ahun kituak in ih om theih nadingin a kisam thuphate Topa tungah kiniamkhiat na tawh ngen ciatni.