Pasian kammal in siatna panin hong dal vanglian kammal ahi hi.

Daily Homily by Rev. Fr. Thomas Tuang (July 13, 2021)

-Tuni pen Misiangtho Henry pawi ni ahi hi. Amah pen Pasian thu sungah acitak bek thamlo in ukna makaihna lamah thukhun lamah ahan ciam acitak mi khat ahi hi. Henry taangthu ih et ciangin gal leh sa te tamvei pi na do hi.

-Tuni in bangmah seplohna in mawhna piangsak lo hi cikha kei ni. Bangmah seplohna in zong mawhna hi ci-in Topa Jesu in pulak hi. Tua ahih manin Christian i hih ciangin Christian in ih nuntak nading Christian ngeina bangin ih kalsuan zawh ding nakpi takin kisam hi. Tuni in eite in ih zang thu te ciingin Topa Jesu deihna bangin a nungta zo ding te ih hih ding kisam mahmah hi. Banghang hiam cih leh Pasian kammal in eite nuntakna hong kikhel sak thei in, siatna panin hong dal thei vanglian kammal ahi hi. Tua ahih manin siatna sungah ih tun loh na dingin Pasian kammal te ih zahtak ding, Pasian kammal te ih zak ciangin ih nuntak pih ding kisam hi.