Pasian in ih thunget te hongpia mah hi.

Rev. Fr. Joseph Zo Mung tung pan kha-an vakna. (May 7, 2021)

Pasian in nong nget peuh kongpia ding hi acih ciangin eite in khat veivei thu ii nget ciangin banghang ngahlo ka hi hiam cih kingaih sun thei hi.  Pasian in hongpia mah hi, ahi zong in ama hongpiak thu in eite phat tuam nading, mi tampi te phat tuam nading leh tawntung nuntakna ih ngah nading, kha nuntakna ih ngah nading in hongpia ahi hi. 

Tuni in Topa Jesu hong itna picing aa eiten zong ama itna pen ama deihna ih zuihna tawh tawntung nuntak nopsakna ih ngah nading lampi tawh ih zuih zawh nang in hanciam ni. Tua hi leh kei nong it uh le ka thukham te nazui ding uh hi, acih na tangtung ding aa, tua bek thamlo in ih it le ngaih te lam man hilh in Christain itna ih cih midang ten tawntung nuntakna angah nading in Pasian thu tangko te hi-in mite zong eite hong tan pa Topa Jesu kiang apuak zo leh atun zo te ih hih zawh nang in zong hanciam ni.