Pasian ih itna tawh ih sepna te teci pangna asuah zawh na dingin ih hanciam nading.

Mk 12 : 28 – 34
Pasian ih itna tawh ih sepna te teci pangna asuah zawh na dingin ih hanciam dingin tuni Laisiangtho in ong hanthawn hi. Israel mite kiangah Pasian bang ci bangin it ding cih Moses in na hilh a, Pasian khat bek ahi, ih Pasian pen it cihtakin it ding hi hanga, dawi pasian te biak loh ding cih leh ih lungsim tawngah nuntakpih tawntung ding cih a deihna hi.
Topa Jesu in zong itna taktak na lungtang sungah nuntakpih inla, apuatham a mimuh ding pen thupi lo hi, ih lungtang sungah Pasian ih itna tawh ih kalsuan ding Topa Jesu in hong deih hi. Itna, khualna, khat leh khat ki-itna te in ih kam, ih lungsim sung bek ah hi nawn lo-in, ih lungsim sunga ih neih tua Pasian itna leh midangte itna te ih Christian nuntakna ah, ih kiim ih paam ah midangte muh theih dingin taangsak zo a, a kilangh sak zo te ih suah zawh na dingin ih biak Pa Pasian in ih upna, ih itna te hong picing sak henla, hong phungvuh hen la, gah hoih gahpha tampi hong gah sak ta hen.