"Pasian gam hong tung dek ta hi. Kisik un la lungdam na thu um un"

#Daily Reflection by Fr. Joseph Zo Mung (13.1.2020)
Feast Day St. Hilary
==================
Tuni Lungdamna Lai Siangtho (Mk 1:14-20) na sungah Topa Jesu in lungdamna thu a tangko na ah "Pasian gam hong tung dek ta hi. Kisik un la lungdam na thu um un" ci-in a tangko na thu te leh nungzui pi ding in Simon, Andrew, James leh John te a sapna thu te ih thei hi. Pasian gam ih cih pen mun hi lo in a ma ukna, thuneih na a cih na hi-in Pasian ukna sungah om leng thu maanna, it na leh nopsak na te tawh kidim ding cih na hi. Topa Jesu sapna aw a zak uh cingin nungzui pi te in a maute ii nasepna ciah uh nusia in Jesu nung zui pah uh hi. Eite zong Pasian ukna sungah ih lut ciangin ih nusiat ding a hoih lo na te om kha ding hi. Tua ban ah Topa Jesu nung ih zuihna te ah ih zuih ding thu khun om kha ding hi. Tua te limtak in ih zuih ciangin a pi cing nopsak na ih ngah pan ding hi cih thu te hong gen hi.