Nupa kaal ah cihtakna khah suah ngei loh ding thupi hi.

Daily Homily by Rev. Fr. Thomas Tuang ( Aug 13, 2021)

Nupa khat suah khit ciangin kikhen ding, ki maak ding Topa Jesu in a deih loh lam tuni laisiangtho in siang takin hong gen hi. Nupa kilem lo tampitak om hi. Hih te pen dawi ze-et na zong hi aa, amau ii Pasian thu leh la tawh nuntak loh na hang zong hi kha thei ding hi. Pasian thu le la tawh anungta Nupa te in khat veivei kitot kisel hun a om hangin a ki-it na uh peeng tuanlo hi. Tua ahih manin Nupa a suak khin te Pasian sungah athak in kingaih sut kik ding kisam hi. Pasian deihna in bang hiam? Nupa kaal ki-it ding, ki pan pih ding leh Nupa kaal ah pauban na omlo ding cih ahi hi.