Nisim Kha-an by Cate. Joseph Hau Kap Aug.24,2019

Reflection by Cate. Joseph Hau Kap
Hun Nautaang Nipikaal (20) Na
(SAT.) August 24.2019

Lungdamna Lai Siangtho.
(Jn. 1: 45-51)

45. Philip in Nathanael a muh ciangin, “Moses in Thukham sunga ama thu a gelh, kamsangte in zong amah tawh kisai a na gelh uh, Joseph’ tapa Nazareth mi Jesu ka mu zo uh hi,” a ci hi.

46. Nathanael in, “Nazareth khua sung pan na hoih khat hong piang thei ding ahi hiam?” ci-in a dong hi. Philip in, “Hong pai inla, hong en in,” a ci hi.

47. Nathanael ama kiang zuan a hong pai Jesu in a muh ciangin, “En un! Hih lai-ah a sunga zuauna khat zong a om lo Israel mi taktak khat a om hi,” ci-in tua pa’ thu a gen hi.

48. Nathanael in, “Kei bang hong ci theih na hi hiam?” ci-in a dong hi. Jesu in, “Philip in nang hong sap ma-in thei kung nuai-a na om laitakin ken kong mu khin hi,” a ci hi.

49. Nathanael in, “Rabbi aw, nangmah in Pasian’ Tapa na hi hi. Israel mite’ Kumpipa zong na hi hi,” ci-in a genkhia hi.

50. Jesu in ama kiangah, “Theikung nuai-ah nang kong mu zo hi, ci-a kong gen manin hong um na hi hiam? Tua sanga a lianzaw nate na mu ding hi.

51. Ken a man takpi kong genin ah, van kihongin Mihing’ Tapa’ tungah Pasian’ vantung mite a kumsuk, a kahto-a om na mu ding hi,” a ci hi.

Hih in Topa’ lungdamna Lai Siangtho ahi hi.

#DailyBible #RVA #WordofGod #Bible #Laisiangtho 
#Tedim #KalayDiocese #Zomi #Reflection,

Website: http://dtedim.rveritas-asia.org/
Like us on https://www.facebook.com/rvatedimchinservice , 
See us on https://www.youtube.com/channel/UCvMw-hJ1GDQ