"Na lau kei un; gitta tampi sangin note na manphazaw uh hi"

Catholic Nisim Lai Siangtho, Hun Nautaang Nipi Kaal (28) Na, October 16, 2020 (FRI)

Lungdamna Lai Siangtho (Luke 12: 1-7)

1. Tua hun laitakin khat le khat khe kisik kha zah dongin mi tul tampite a kikhawm uh hi. Jesu in a masa penin a nungzuite’ kiangah “Mi hoih kineih siam ahi Pharisee-te’ silngo pan na kikem un. 2. A kipholak lo ding, a kiselcip bangmah om lo hi. A kithei khia lo ding, a ki-imcip bangmah om lo hi. 3. Tua ahih manin khuamial sungah na gen khempeuh uh khuavakna ah kiza ding hi. Inn sungtawnga na kihuau simnate uh innkhum dawnah kitangko ding hi. 4. “Ka lawmte aw, note kong genin ah, pumpi a thah khit ciangin a ban bangmah a cih thei nawn lote na kihta kei un. 5. Ahi zongin na kihtak ding uh kua ahi hiam, cih kong gen ding hi; pumpi a thah khit ciangin hell khuk sungah a khul zo Pa na kihta un. Ahi hi, a man takpi kong genin ah, amah na kihta un. 6. Gitta nga in dangkasan penny nih tawh kizuak hilo ahi hiam? Tua hi napi Pasian in tuate khat zong a mangngilh kei hi. 7. Na lutung uh-a na samzangte khempeuh uh kisim khin hi. Tua ahih manin na lau kei un; gitta tampi sangin note na manphazaw uh hi.

Hih in Topa' Lungdamna Lai Siangtho ahi hi.