"Na lamet loh laitakun Mihing’ Tapa hong pai ding hi."

Catholic Nisim Lai Siangtho. Adventu Nipi Masa Ni (SUN.) December 1.2019

Lungdamna Lai Siangtho. (Mt. 24: 37-44)

37. Bang hang hiam cih leh Mihing’ Tapa hong pai ding pen Noah hun lai mah bang hi ding hi.

38. Tuiciin a tun ma-in teembawpi sungah Noah a lut ni dongin mite in ne-in, dawnin, mopi mokha-in a om uh hi.

39. Tuiciin tungin, amaute tui in a lakmang hun mateng bang thu piang ding cih a thei kei uh hi. Mihing’ Tapa hong pai ciangin zong tua mah bangin ahi ding hi.

40. Tua ciangin lo khokhawm mi nih, khat kila-in khat kinusia ding hi.

41. An gawi khawm numei nihte khat kila-in, khat kinusia ding hi.

42. Tua ahih manin na Topa uh hong pai ding ni thei lo na hih manun na kiging khol un.

43. Ahi zongin hih thu na theitel un: gutate hong pai ding hun inn neipa in thei khol hi leh, a inn a luh lohna dingin a pang ding hi.

44. Tua ahih manin, note zong na kiging khol un. Bang hang hiam cih leh na lamet loh laitakun Mihing’ Tapa hong pai ding hi.

Hih in Topa’ lungdamna Lai Siangtho ahi hi.