Na khempeuh amau mun tawh kituakin ih zat theih nading hanciam ni.

Daily Homily by Rev.Fr. Joseph Zo Mung (June 22, 2021)

Kong kawcik ahi nuntakna lam ahaksa tawntung nuntakna hong tunpih in bang hiam cih leh itna tawh kalsuan ding, thuman thutak tawh kalsuan ding, cih takna tawh kalsuan ding ahi hi. Tua ahih manin ih nuntakna in a thupi pen ahih manin hih nuntakna hoih takin ih kep cing kei leh tua in siatna tampi piangin phat tuamna omlo ding hi. Tua ahih manin tuni Topa Jesu hong thuhilhna te phawkin van manpha te amau mun tawh kituakna ah ih koih theih nadingin eite zong ei nuntakna athupi pen athupit na mun mah ah ih zat siam ding kisam hi. Ih nuntakna thupi mahmah napi in athupi lo na munah ih zat ciangin ama manphat na kiam hi. Tua ahih manin Topa Jesu in eite pen aki zang thei ih nuntakna akem cing ding, Suang manpha pen suang manpha mun ah akemcing ding in hong deih hi. Tua ahih manin kong kawcik ahi ahaksatna te ih nuntakna te ah nisim in bang sem ding, bang bawl ding cih ih zuih ding thu te ih zuih det ding kisam hi. Nuntakna ih cih pen thupi mahmah ahih manin ih ngah ding a haksat banah ihngah khit ciangin zong ih kepcing ding leh ih kepcing khit ciangin zong ahoih lam in ih zat siam ding thupi hi.