Na khat peuh napiak ciang maitaina tawh napia inla lungkim takin napia in.

Daily Homily by Rev. Fr. Maximian Mungpi (May 25, 2021)

Thuzui Christain nuntakna pen hih leitung ahih hangin eite in vantung gam lung gulh na leh lametna tawh ih nuntakna sungah ih hunte ih neile lam te Pasian aading piak khiatna nisim in akibawl kha hi. Tua ahih manin hih bang ih Pasian aading ih piak khiatna ciangin eite in maitai tak leh lungkim takin ih piak theih ding kisam hi. Tua bang lungkim tak leh maitai tak piak khiatna in Pasian deih piak khiatna hi zaw hi. Maitai tak piak khiatna ih cih ciangin atampi zong cituan lo in, eite ih neih sunsun panin Pasian tungah lungkim tak leh hangsan takin muanna takpi tawh piakna in Pasian deihna hi.