Na dangdang na khempeuhte’ sangin kua it pen na hi hiam?

Lk 14 : 25 – 33
Tuni Lungdamna Laisiangtho sungah Topa Jesu in a Nu a Pa, a sanggamte leh amah mah nangawn a kimuhdah kei leh ka nungzui suak thei lo ding hi ci-in gen hi. Tua ban ah a singlamteh pua in ka nung hong zuih kei leh ka nungzui taktak suak zo lo ding hi na ci lailai hi. Khat leuleu ah aneih alam te khempeuh a piakkhiat ngam kei leh zong ka nungzui muanhuai suak zo lo ding hi na ci sawnsawn lai hi.
Tua ahih manin ih Christian nuntakna sungah nang leh kei hong it, nang leh kei hong siam, hong piangsak, hong nungta sak, nisim naisim in annek tuidawn ding hong sik, ih nat ih satna pan damna hong pia, a tapa aneih sunsun hong paisak a, hong tankhia sak, it tawpa hong it Pasian tungah a it thuk dingin tuni nang leh kei Topa Jesu in hongzawn hi.
Tua ahih manin hong it Pasian tungah it thuakkik in na dang dang te sang, mi dangdang te sang amah it pen Pasian tanu tapa te ih suahzawh nading, ih biak Topa’ nang leh kei lungtang sungah itna bulpi hong pia ta hen. Itna kip tawh hong tuam ta hen.