Mite phawk khak loh, napha no khat ih sepna in vantung gam ah kham lukhu ih sanna hi thei hi.

Tuni ih zak Lungdamna Laisiangtho sungah Topa Jesu in ama sa te nunung ding a, a nunungte masa ding hi acih mah bangin leitung ading na lianpi khat in vantung adingin na neuno khat hi thei hi.
Leitungah milian mahmah, mite pahtak VIP khat zong, vantunggam adingin aneu pen khat zong hi thei ding hi. Mite pahtak, mite pahtawina athuak leitungah anuamsa mite khempeuh in zong, vantung gam ah milian hi kim pah lo ding hi.
Mite phawk khak loh, leitungah anengno nahoih napha ih sepna khat in vantung gam adingin nalianpi, thaman lianpi ih ngahna, kham lukhu ih sanna zong hi thei hi cih tuni Laisiangtho kammal te tungah ih lungngaih ding Topa’ hong deih hi.
Leitunga ih sep nahoih napha te tungtawnin nikhat ni ciangin vantung gam ah kham lukhu, thaman asang ding Pasian tanu tapa te hi hang cih tuni Lungdamna Laisiangtho in hong thei sak hi.