"Mite’mai-ah hong nolhte Pasian’vantung mite’mai-ah ka nolh ding hi"

Catholic Nisim Lai Siangtho, Hun Nautaang Nipi Kaal (28) Na, October 17, 2020 (SAT)

Lungdamna Lai Siangtho (Luke 12: 8-12)

8. “Note’ kiangah kong genin ah, mite’ mai-ah kei hong sang peuhmah, Mihing’ Tapa in zong Pasian’ vantung mite’ mai-ah a sang ding hi. 9. Ahi zongin mite’ mai-ah hong nolhte Pasian’ vantung mite’ mai-ah ka nolh ding hi. 10. Mihing’ Tapa a gensiate a mawhna uh kimaisak dinga, ahi zong Kha Siangtho a gensiate a mawhna uh kimaisak lo ding hi. 11. Amaute in kikhopna inn mai-ah ahi zongin, ukna a neite le thuneite’ mai-ah ahi zongin, note hong paipih uh ciangin bangci ka thuk kik ding hiam, bang thu ka gen ding hiam, ci-in lunghi mawh kei un. 12. Bang hang hiam cih leh, na gen ding uh thu tua hun ciangin Kha Siangtho in hong hilh ding hi,” a ci hi.

Hih in Topa' Lungdamna Lai Siangtho ahi hi.