Mi khempeuh te tungah itna, hehpihna te lak zawh nading Topa' ong hilh hi.

Lk 14 : 1 – 6
Tuni Lungdamna Laisiangtho in eite in Sabbath ni-in na hoih napha te ih bawl ding, Pasian thupha te ih hawm siam ding hong hilh hi. Tua banah Topa Jesu in deidan nei lo-in mi khempeuh a honkhia dingin hong pai hi cih hong phawk sak hi.
Tuni Topa Jesu in Pharisee mipa inn ah apai na in amah in mi khempeuh adingin, agalte ading ahi zongin, mi khempeuh kikhel na dingin amah in eite tawh ong om khawm nuam hi cih ong phawk sak hi.
Tua mah bangin eite in Sabbath ni te ih zat siam nading, ih siangtho sak nading leh Topa Jesu in mi khempeuh ading in hong pai ahih na thu phawkin eite in zong mi khempeuh te tungah itna, hehpihna te lak in, ih galte tung nangawn ah itna hehpihna nei-in, amaute kikhel na dingin ahuai siam te ih suah zawh na dingin tuni Laisiangtho in ong hilh hi cih phawk ciatni.