"Mi khempeuh’ kiangah: ‘Ngak gige un!’ ka ci hi”

Catholic Nisim Lai Siangtho, Adventu Hun NipiKaal (1) Na, November 29, 2020 (SUN)

Lungdamna Lai Siangtho (Mark 13: 33-37)

33. “Kigingsa-in om unla, ngak gige un! Bang hang hiam cih leh tua hun cik ciangin hong tung ding, cih na thei kei uh hi. 34. Tua in khualzin khia mi khat tawh kibang hi. Amah in a nasemte’ khut ah a inn ap a, amau sep ding ciat sehsakin, kongcingpa’ kiangah, “Vilin na ngak gige in,” ci-in a vaikhak hi. 35. Tua ahih manin inn neipa hong tunkik ding hun na ngak un. Bang hang hiam cih leh, inn neipa in nitak ahi zongin, zan kim laitak ahi zongin, ak-khuan’ laitak ahi zongin, zingsang ciang ahi zongin cik ciangin hong tung ding, cih note in theilo na hih uh ciangin na ngak gige un. 36. A zenzenin thakhatin hong tung leh, note na ihmut laitak uh tawh kituaksak kha kei un. 37. Note’ kiangah kong gen mah bangin, mi khempeuh’ kiangah: ‘Ngak gige un!’ ka ci hi,” ci-in Jesu in a gen hi.

Hih in Topa' Lungdamna Lai Siangtho ahi hi.