"Mawhneite sam dinga hong pai ka hi hi”

Catholic Nisim Lai Siangtho, Hun Nautaang Nipi Kaal (25) Na, September 21, 2020

Lungdamna Lai Siangtho (Matthew 9: 9-13)

9. Tua mun panin Jesu a paikhiat laitakin Matthew kici mi khat siahdonna zum sunga tu mu a, ama kiang ah “Hong zui in,” a ci hi. Tua ciangin amah dingto-in a nung a zui pah hi. 10. Jesu in Matthew’ inn ah nitak an a nek laitakin siahdongte le mawhnei tampite va pai uh a, Jesu le a nungzuipite tawh ankuang a umkhawm uh hi. 11. Pharisee-te in a muh uh ciangin a nungzuipite’ kiangah, “Na siapa un bang hangin siahdongte le mawhneite tawh ankuang um khawm ahi hiam?”a ci uh hi. 12. Hih thu Jesu in a zak ciangin, “Mi cidamte in siavuan kisam lo uh a, cinate bek in a kisam uh hi. 13. ‘Ganhing tawh biakna ka deih kei a, hehpihna ka deihzaw hi,’ ci-in a kigenna pen bang a cih nopna hiam, cih pai unla, va sin un. Bang hang hiam cih leh midikte sam dinga hong pai ka hi kei a, mawhneite sam dinga hong pai ka hi hi,” a ci hi.

Hih in Topa' Lungdamna Lai Siangtho ahi hi.