Mawhna sungah bual lo in amah tawh kibangin a tawntung anungta dingin Topan hong deih hi.

Daily Homily by Rev. Fr. Andrew Go Nang (July 2, 2021)

Hih thu te Pharisee ten amuh ciangin nungzuipi te kiangah na sia pa un banghang in siahdong te leh mawhnei te tawh ankuang umkhawm uh hiam c-in nadong uh hi. Tua thu azak ciangin Jesu in mici dam te in zato sia te kisamlo uh aa, cina te bek in kisam uh hi ci-in na dawng hi.Tua banah Topa Jesu in ganhing tawh biakna kadeih kei aa, hehpihna ka deih zaw hi acih pen bang acih nopna ahi hiam? pai unla va kan un ci-in Pharisee te kiangah thupia hi. A tawpna ah Topa Jesu in midiktat te asam ding aa hong pai ka hi kei aa, mawh nei mite asam dingin hong pai ka hihi na ci hi. Topa Jesu in ei mawhnei mite hong it mahmah in amah bangin tawntung nuntakna tawh anungta dingin adeih tawntung ih Topa, i gumpa, i honpa ahi hi. Mawh nei te hong it ih cih tak ciangin ih mawhna, ih khialhna, ih gamtat siatna te a it hilo in ama sisan tawh hong leisa ama ta mawh nei mite hong it in mawhna sungah bual lo in amah tawh kibangin a tawntung a nungta ding cih a deihna hong itna alah na ahi hi. Ei mimal khat ciat in ei mawh nei mite hong it Topa in siahdong mawh nei mi ahi Matthew asap mah bangin eite lungsim kong khak te hong kieu den hi. Tua ahih manin Misiangtho Matthew in Topa nung thakhat in tho in a zuih mah bangin Topa nung zui in nisim in lungdamna thu ih nuntakna sungah agelh a at lungdamna thu a taangko zo te ih suah nadingin Topan mimal khat ciat thupha hong pia ta hen.