Lungsim tamkham dongin ih kisik leh Pasian in mawhmaina hongpia hi.

Daily Homily by Rev. Fr. Thomas Tuang ( Aug 12, 2021)

Khat vei ciangin mihing ten mawhna pen tangzang ngaih sut in ki nungta theikha hi. Mawh sut ziau ding, kisik ziau ding ci-in tangzang khat kha hihang. Tua bang hilo hi, ih hanciamna kawmkal panin a kimawh kha, a kikhial kha ahihi. Tua te bek Pasian in eite ih lungsim takpi tawh ih kisik kik ciangin mawhmanina hongpia hi. Eite khat le khat zong mawh maina ih kipiak ding ciang kimang ngilh lo ahih manin haksa mahmah hi. Ahi zongin Pasian in eite mawhmaina hong piakna in lungsim tamkham liangin ih kisik leh mawhmaina hongpia ahihi.