Lungnopna ih ngah theihna ding thu Rev. Fr. Joseph Zo Mung tungpan

Pasian tungah itna kip muan na kip nei leng lau lo in, lungnopna ki ngah ding hi. Topa Jesu in zong gamdaihna mun ah pai in thungen hi. Eite in zong ih nuntakna sungah thungenin ih om leh thupha sangin nopna tawh kidim ding hi hang ci-in Rev. Fr. Joseph Zo Mung tungpan Kha-an Vakna. Lungdamna Lai Siangtho:Mark 6: 45-52 45. Tua khit phetin Jesu in mihonpite ciahsak a, a nungzuipite gunkuang ah tuangsakin ama mai Bethsaida khua ah a paisak hi. 46. Mihonpite tawh a kikhen khit ciangin thungen dingin Jesu mual tungah a kahto hi. 47. Nitak hong tun ciangin tuipi laizang ah nungzuipite’ gunkuang a tuang hi. Jesu ahih leh lei tungah amah bek a om hi. 48. Huihpi in amaute a lehmut Jesu in a muh ciangin, zingsang tungin amaute’ lam zuaninamaute khengsuakin a pai ding bangin tuipi tungah Jesu a pai hi. 49. Ahi zongin tuipi tungah a pai amaute in a muh uh ciangin sikha sa-in a kiko uh hi. 50. Bang hang hiam cih leh a vekun amah mu uh a, a lau mahmah uh hi. Ahi zongin thakhatthu-in Jesu in amaute’ kiangah, “Hangsan un, Keimah ka hi hi: lau kei un,” a ci hi. 51. Tua khit ciangin amaute’ gunkuang tungah a kahtoh ciangin huih nung a dai hi. Amaute in lamdang a sa mahmah uh hi, 52. bang hang hiam cih leh, a lungsim uh khauh ahih manin khomun pum nga tawh mi tampite a vakna thu telthei lo uh hi.

Hih in Topa’ Lungdamna Laisiangtho ahi hi.