Lungdamna thu taangkona ahangin Pasian in eite hongit, hongkem, hong hehpih hi cih mite apuak ihihi.

Daily Homily by Rev. Fr. Thomas Tuang (July 7, 2021)

Pasian gelna pen mihing te lungsim tawh kikhai mahmah hi. Joseph pen a sang gam te in asi dingin azuak uh cileng zong hi thei hi. Ahih zongin silo in mi tampite nuntakna dingin apiang sak pa thunei khat in om aa, mite tampi tak ahuh zo in asuak sak hi. Tua ahih manin tuni Pasian nasem te sungah zong amau nuntakzia sungah haksatna tampi te lak panin Pasian in mitampi tak tel in azat tampi om hi. Thugen siam te ahi zongin makaih siam te ahi zongin amau nuntakna te en lehang aneu lai un aci thei sangin acimawh agenthei aliangvai atagah tamzaw hi. Tua sung panin Pasian in bang hangin sam hiam cih leh mite tungah hehpihna leh itna tawh lam alak thei dingin atel ahi hi. Tua ahih manin lungdamna thu taangko ding ih cih ciangin note lak ah lungdamna thu hong tun na dingin lungdamna thu taangko na ahangin Pasian in eite hong it, hong kem, hong hehpih hi cih lungdamna thu agen khia ding hi aa, tua thu te eiten a taangko tawntung dingin Pasian in hong tel ahi hi. Tua ahih manin Pasian nasem te Pasian deihna bangin Pasian itna thu Pasian hehpihna thu te ataangko zo tawntung den ding in Pasian in thupha hongpia tawntung ta hen.