Lungdamna Laisiangtho Mk 8; 11-13 sungsimna (Feb.12,2024) Monday

Catholic Nisim Lungdamna Laisiangtho Mk 8; 11-13
11. Pharisee-te hong pai-in amah tawh thunial kipan uh a, amah a ze-etna dingin vantung panin lim lamdang khat a ngen uh hi.
12. Tua ciangin Jesu khuisa a, “Bang hangin hih khang mite in lim lamdang khat ngen uh ahi hiam? Ken a man takpi kong genin ah, hih khang mite’ tungah lim lamdang bangmah kilak lo ding hi,” a ci hi.
13. Amaute’ kiang pan amah paikhia a, gunkuang ah tuangkikin, tui galkhat lamah a galkah hi.
Hih in Topa Lungdamna laisiangtho ahi hi.
Christu Topa aw na tungah phatna om a hen.