Lungdamna Laisiangtho Matthew 6:7-15 sungsimna (Feb.20,2024) Tuesday

Catholic Nisim Lungdamna Laisiangtho Matthew 6:7-15................... 7. Thu na nget uh ciangin Gentile-te bangin kammal tampi na zang kei un, bang hang hiam cih leh amaute in kammal tampi zatna tawh a nget uh kingah hi, ci-in a ngaihsun uh hi.

8. Amaute’ hih bangin na hih kei un, bang hang hiam cih leh na Pa un note’ kisapnate na nget ma-un hong thei khin zo hi.

9. Tua ahih manin thu na nget uh ciangin hih bangin na ngen un: “Vantunga om kote’ Pa aw, na min siangtho ta hen.

10. Na gam hong tung ta hen. Vantung ah na deihna a kicin mah bangin, leitung ah zong kicing ta hen.

11. Nisim-a kisam annek tuidawn tuni-in hong pia in.

12. Kote’ tunga hong mawhte ka maisak mah bangun, kote’ mawhnate zong hong maisak in.

13. Ze-etna lakah hong kihelsak loin, hoih lohna khempeuh pan hong honkhia in,”(f)ci-in na ngen ding uh hi.

14. Bang hang hiam cih leh no tunga hong mawhte na maisak uh leh vantunga om na Pa un note’ mawhna zong hong maisak ding hi.

15. Ahi zongin mite’ mawhna na maisak kei uh leh na Pa un zong note’ mawhna hong maisak lo ding hi.

+Hih in Topa' Lungdamna Laisiangtho ahi hi.

- Christu Topa aw na tungah phatna om ta hen.